ياالله انا طالبك قلبي تجيره..
من كل فتنه تفتري بالاحاسيس.
مسكت انا الجوال آباستعيره..
و فتشت بالجوال والقصد.. تنفيس.
أتسلى و أقرى في رسايل قصيره.
واناظر الجوال وفيني هواجيس..
وفجأة.. لمحت وقلت:من ذا الاميره؟؟
وش هالحلا ؟؟ والله يلعنك يابليس.
شفت الغزال وصرت فجأه.. أسيره..
بالثغر جمره... وابخدوده فوانيس.
أثر الغزال الشارده ذي.!!(منيرة)..
بنتن حلاها يدرررس الغيد تدريس.
تشطب على هيفا.. وإليسا.. و ميره.
وسيرين عبدالنور.. والفاتنه ميس.
مثيرتن...!!! يعني... بمعنى مثيرة..
خضر العيون.. الفاتنات.. النواعيس..
من شفتها.. والعين دايم سهيره..
تهت ابجمالن فاق كل المقاييس.
سطام..!! جاب ابيات فيها خطيره..!
وشلون أجل لو شافها امرؤ القيس؟
وما دمت ضعت.... إبشوف صوره صغيره..!!!!!
أجل بموت إن شفتها.. {فيس.. تو.. فيس}.
